AZ
RU
KREMLİN ƏN BÖYÜK QORXUSU REALLAŞIR...- Ukrayna müharibəni Rusiya ərazisinə keçirir
İstənilən uzunmüddətli müharibənin arxasında ilk növbədə iqtisadi resurs dayanır. Ukraynada davam edən savaş səbəbindən Rusiya bütün iqtisadiyyatını tədricən hərbi relslər üzərinə qoymağa başlayıb.
Əlbəttə, Ukrayna ilə müqayisədə Rusiyanın nəzəri baxımdan uzunmüddətli və üzücü müharibə aparmaq imkanı daha çoxdur.
Amma bu müharibənin necə və hansı şərtlər daxilində bitəcəyini standart hesablama və dəyərləndirmələrlə müəyyənləşdirmək çətindir. Çünki bu zaman bir-birilə bağlı olan xeyli faktor nəzərə alınmalıdır.
Rusiyada hələ sovet dönəmindən qalmış nəhəng hərbi sənaye kompleksi var və o, əskisi kimi olmasa da, hər halda işləyir. Ona görə də ölkənin bütünlüklə hərbləşdirilməsinə xeyli illər sərf edilməyəcək, sadəcə çoxlu pul və texnoloji material lazım olacaq.
Bəzi analitiklərin ”Rusiyanın iqtisadiyyatı çökür, ağır sanksiyalar maliyyə resurslarını sürətlə əridir” kimi sözləri gerçəyi əks etdirmir. Rusiyanın ciddi çətinliklərlə qarşılaşmasına baxmayaraq, müharibəni davam etdirməsi üçün hələ ki, kifayət qədər maliyyə vəsaiti var.
Rusiyanın karbohidrogen satışından yaxşı pul qazanmasının və sankisylardan yan keçməyi bacarmasının səbəbi Qərbin buna göz yummasıdır. Əslində, bunun qarşısını daha sərt tədbirlərlə kəsmək üçün digər dövlətlərə qarşı ikili sanksiyalar tətbiq edilə bilər.
Amma Qərb müxtəlif bəhanələrlə radikal addımlardan yayınır. Kreml isə əldə etdiyi gəlirləri silah istehsalına yönlətməklə qısamüddətli perspektivdə də olsa, ölkə əhalisinin bir hissəsini işlə təmin edir. Bu, iqtisadi sferanın digər sahələrinə də müsbət təsir göstərir.
Vətəndaşların sosial təminat sahəsindəkı problemləri heç də fəlakətli səviyyədə deyil. Rusiya reallıqları çərçivəsində sosial vəziyyəti normal hesab etmək olar.
Putinin sözlərinə görə, 2023-cü ildə Ümumi Daxili Məhsulun 4 %-i müdafiə xərclərinə yönəldilib, amma bu il həmin xərclər artaraq 6,8 faiz təşkil edəcək.
Müharibə başlamamışdan öncə Qərbdə Rusiya ordusu haqqında bilərəkdən reallığı əks etdirməyən təsəvvür yaradılmışdı. Gəlinən nəticə belə idi ki, Rusiya dünyada ABŞ-dan sonra ikinci ən güclü orduya malikdir.
Anca hər şey gerçək müharibə şəraitində üzə çıxdı və aydın oldu ki, bu tərifli ordu qarşıya qoyduğu tapşırığı yerinə yetirə bilmir. Onun özündən qat-qat zəif olan Ukrayna üzərində qələbəsi yalnız ABŞ-ın və Avropa ölkələrinin Kiyevi silahla təchiz etməyəcəyi təqdirdə baş tuta bilər. Amerikalı rəsmilər də bu fikirdədirlər.
Müharibənin ikinci ilində tamamilə bəlli olur ki, Vladimir Putinin lap əzəldən qarşısına qoyduğu başlıca məqsədi Ukraynanı bütövlüklə işğal edib Rusiyaya qatmaqdan ibarət olub.
Krımın ilhaq edilməsi, qondarma Donetsk və Luqansk “respublikaları”nın qurulması ilkn mərhələnin aşılması prosesi idi. İndi isə deyirlər ki, Rusiya müharibənin gedişində zəbt etdiyi torpaqlarla kifayətlənmək şərtilə sülhə razılaşa bilər.
Bu, inandırıcı deyil, çünki rusların planında daha irəliyə getmək var. Putin düşünür ki, müharibə uzandıqca Ukrayna tükənəcək və bundan sonra döyüşməyə nə insan resursu, nə də silah qalacaq. Nəticədə ruslar cəbhəni bir neçə istiqamətdən yarıb Kiyevə qədər yürüyəcəklər. Ondan sonra hər şeyi Moskva diqtə edəcək.
Putin Ukrayna haqqında nə düşündüyünü bu yaxında bir daha dilə gətirdi. Onun Rusiya təbliğatçısı Yevgeni Kiselyova verdiyi son müsahibəsi də həmişə olduğu kimi geniş və məlumatsız auditoriya üçün nəzərdə tutulmuşdu.
O özünü sülhpərvər göstərsə də, gerçək istəklərini gizlədə bilmədi. Putin ictimaiyyət qarşısında özünü güclü, cəsarətli, humanist ideyaların alovlu daşıyıcısı və hər şeyi öncədən hesablayan strateq kimi göstərməyə çalışır.
Putinin Ukraynanı əslində, necə görmək istədiyini isə Rusiya Təhlükəsizlik Şurası sədrinin müavini Dmitri Medvedyev ifadə edib. Onun səsləndirdiyi yeddi bənddən ibarət “sülh formulu” Ukrayna dövlətinin xəritədən silinməsini nəzərdə tutur.
Sözsüz ki, Moskvanın ən böyük “kozırı” taktiki nüvə silahından istifadədir və bunu tez-tez səsləndirir. Taktiki nüvə silahı isə “şıltaq silah”dır.
Əgər o, cəbhə boyunca yerləşən Ukrayna mövqelərinə atılarsa, bundan rus əsgərləri də ziyan görəcək. Həmçinin, birdən Ukrayna nüvə başlığı daşıyan raketi və ya təyyarəni Rusiya mövqelərinə yaxın yerdə, yaxud hətta Rusiya ərazisində vursa, o zaman necə olacaq? Hələ bunun beynəlxalq rezonansı da var.
O zaman Qərblə Rusiya arasında ən adi münasibətlər də kəsilər və üstəlik dünyanın qalan hissəsi də Moskvadan üz döndərə bilər. Digər yandan, “dünyanın ikinci ən güclü ordusu” üç günə məğlub edəcəyi (?) ölkəyə niyə nüvə silahı atsın ki?
Qərb generalları deyrlər ki,Ukraynaya yardım verilməzsə, o, məğlubiyyətlə üzləşəcək. Həmçinin, ABŞ-nin analitik informasiya şəbəkələri əsasən bu sayaq məqalələr dərc edirlər və sanki bilərəkdən ictimai fikri bu yöndə hazırlayırlar.
Məsələn, ABŞ Mərkəzi Kəşfiyyat İdarəsinin direktoru Uilyam Börns bildirib ki, ABŞ Ukraynaya müvafiq silahlar yollamasa məğlubiyyət qaçılmazdır.
Təbii ki, müharibənin müqəddəratında Amerikanın yardımları xüsusi önəm kəsb edir və ələlxüsus da artilleriyanın rolu böyükdür. Lakin son bir neçə aydır ki, müharibənin axarını dəyişəcək hadislər yaşanır. Pilotsuz Uçuş Aparatlarının (PUA) rolu xeyli artıb.
Dron faktoru müharibənin gedişinə ciddi təsir etməyə başlayıb. Hazırda məhz dronların köməyi ilə rusların Avdeyevkadan sonrakı irəliləyişi durdurulub. Müəyyən mənada Ukrayna üçün kritik bir məqamda dronlar artilleriyanı əvəzləyə bilib.
Hətta Ukraynada dronlarla bağlı ayrıca bir hərbi birləşmə də yaradılıb. Ukrayna 2024-cü ildə 1 milyon ədəd kiçik həcmli “FPV dron”, 1000 ədəd isə uzaq məsafə qət edə bilən zərbə PUA-ları istehsal etməyi planlaşdırır. Ukraynalılar hazırda müxtəlif funksiyalı 6 növ dron buraxırlar.
Ukrayna hərbçilərinin dediyinə görə rusların son üç aydakı canlı qüvvə itkilərinin təxminən 60 faizi dron zərbələrinin payına düşür. FPV dornlar eyni zamanda düşmənin artilleriya qurğularını, zirehli texnikasını, piyadaları vurur. O da qeyd edilir ki, Rusiya dron istehsalında Ukraynadan geridədir.
Digər yandan, Ukraynanın uzaqmənzilli zərbə PUA-larını təkmilləşdirməsi öz bəhrəsini verir. Belə ki, Ukrayna sərhədindən 800 kilometr uzaqda yerləşən Rusiyanın Nijni Novqorod vilayətindəki Neft Emalı Zavoduna vurulan zərbə müharibənin xarakterində dəyişikliklər baş verdiyini göstərir.
Bununla yanaşı, Ukrayna PUA-ları Rusiyanın Ryazan, Rostov, Volqoqrad vilayətlərindəki və Krasnodar diyarındakı Neft Emalı Zavodlarına uğurlu hücumlar təşkil ediblər.
Hadisələrin inkişaf dinamikası göstərir ki, Ukrayna PUA-lar vasitəsilə Rusiyanın Neft Emalı Zavodlarına hücumlarını intensivləşdirərsə Rusiya iqtisadiyyatı böyük təhlükə ilə üzləşəcək.
Rusiyada işlək şəkildə olan 30-a yaxın iri Neft Emalı Zavodu var və bunların emal gücünə görə ən böyük həcmliləri əsasən ölkənin Avropa hissəsində yerləşir. Məlumat üçün onu da qeyd edək ki, Fransa və Böyük Britaniya da Ukraynaya xeyli sayda müxtəlif funksiyalı dronlar göndərməyi planlayır.
Rusiyanın ərazi baxımından böyük olması onun havadan yaxşı qorunmasını tələb edir, lakin indiki şərtlər daxilində bu, müşkül məsələdir.
Kremlin bundan sonra qarşılaşacağı digər problem isə Ukrayna ilə qonşu olan vilayətlərin mühafizəsidir. İndi müharibə təkcə Ukraynada yox, Rusiyanın ərazisində də gedir.
Etnik ruslardan ibarət ”Azad Rusiya Legionu”, ”Rusiya Könüllülər Korpusu” və “Sibir batolyonu” yavaş-yavaş ölkənin içərilərinə doğru irəliləyirlər. Hələlik onlar böyük zərbə gücünə malik deyillər.
Lakin unutmayaq ki, bu hərbi dəstələr tədricən döyüş təcrübəsi qazanırlar və perspektivdə diviziyaya çevriləcəklər.
Kremlin ən böyük qorxusu müharibənin Rusiya ərazisinə keçməsiydi ki, bu da demək olar, baş verməkdədir.
Çünki bu zaman toplanılan ehtiyat qüvvələr ölkə ərazilərini qorumaq məcburiyyətində qalacaq, hakimiyyətə olan inam sarsılacaq və ən əsası isə ölkənin iqtisadi sütunu sayılan obyektlər asan hədəf halına gələcəklər.
Bu, hələ başlanğıcdır. Əgər Qərb Ukraynaya köməyi əsirgəməsə, Kremlin idarəçiliyi laxlaya bilər. Bəs, Qərbin Rusiya ilə bağlı belə bir fikri varmı?
Vaqif Nəsibov
Digər xəbərlər
Tarix: 16-03-2024 13:15 | Bölmə: Manşet | Baxış: 272
İstənilən uzunmüddətli müharibənin arxasında ilk növbədə iqtisadi resurs dayanır. Ukraynada davam edən savaş səbəbindən Rusiya bütün iqtisadiyyatını tədricən hərbi relslər üzərinə qoymağa başlayıb.
Əlbəttə, Ukrayna ilə müqayisədə Rusiyanın nəzəri baxımdan uzunmüddətli və üzücü müharibə aparmaq imkanı daha çoxdur.
Amma bu müharibənin necə və hansı şərtlər daxilində bitəcəyini standart hesablama və dəyərləndirmələrlə müəyyənləşdirmək çətindir. Çünki bu zaman bir-birilə bağlı olan xeyli faktor nəzərə alınmalıdır.
Rusiyada hələ sovet dönəmindən qalmış nəhəng hərbi sənaye kompleksi var və o, əskisi kimi olmasa da, hər halda işləyir. Ona görə də ölkənin bütünlüklə hərbləşdirilməsinə xeyli illər sərf edilməyəcək, sadəcə çoxlu pul və texnoloji material lazım olacaq.
Bəzi analitiklərin ”Rusiyanın iqtisadiyyatı çökür, ağır sanksiyalar maliyyə resurslarını sürətlə əridir” kimi sözləri gerçəyi əks etdirmir. Rusiyanın ciddi çətinliklərlə qarşılaşmasına baxmayaraq, müharibəni davam etdirməsi üçün hələ ki, kifayət qədər maliyyə vəsaiti var.
Rusiyanın karbohidrogen satışından yaxşı pul qazanmasının və sankisylardan yan keçməyi bacarmasının səbəbi Qərbin buna göz yummasıdır. Əslində, bunun qarşısını daha sərt tədbirlərlə kəsmək üçün digər dövlətlərə qarşı ikili sanksiyalar tətbiq edilə bilər.
Amma Qərb müxtəlif bəhanələrlə radikal addımlardan yayınır. Kreml isə əldə etdiyi gəlirləri silah istehsalına yönlətməklə qısamüddətli perspektivdə də olsa, ölkə əhalisinin bir hissəsini işlə təmin edir. Bu, iqtisadi sferanın digər sahələrinə də müsbət təsir göstərir.
Vətəndaşların sosial təminat sahəsindəkı problemləri heç də fəlakətli səviyyədə deyil. Rusiya reallıqları çərçivəsində sosial vəziyyəti normal hesab etmək olar.
Putinin sözlərinə görə, 2023-cü ildə Ümumi Daxili Məhsulun 4 %-i müdafiə xərclərinə yönəldilib, amma bu il həmin xərclər artaraq 6,8 faiz təşkil edəcək.
Müharibə başlamamışdan öncə Qərbdə Rusiya ordusu haqqında bilərəkdən reallığı əks etdirməyən təsəvvür yaradılmışdı. Gəlinən nəticə belə idi ki, Rusiya dünyada ABŞ-dan sonra ikinci ən güclü orduya malikdir.
Anca hər şey gerçək müharibə şəraitində üzə çıxdı və aydın oldu ki, bu tərifli ordu qarşıya qoyduğu tapşırığı yerinə yetirə bilmir. Onun özündən qat-qat zəif olan Ukrayna üzərində qələbəsi yalnız ABŞ-ın və Avropa ölkələrinin Kiyevi silahla təchiz etməyəcəyi təqdirdə baş tuta bilər. Amerikalı rəsmilər də bu fikirdədirlər.
Müharibənin ikinci ilində tamamilə bəlli olur ki, Vladimir Putinin lap əzəldən qarşısına qoyduğu başlıca məqsədi Ukraynanı bütövlüklə işğal edib Rusiyaya qatmaqdan ibarət olub.
Krımın ilhaq edilməsi, qondarma Donetsk və Luqansk “respublikaları”nın qurulması ilkn mərhələnin aşılması prosesi idi. İndi isə deyirlər ki, Rusiya müharibənin gedişində zəbt etdiyi torpaqlarla kifayətlənmək şərtilə sülhə razılaşa bilər.
Bu, inandırıcı deyil, çünki rusların planında daha irəliyə getmək var. Putin düşünür ki, müharibə uzandıqca Ukrayna tükənəcək və bundan sonra döyüşməyə nə insan resursu, nə də silah qalacaq. Nəticədə ruslar cəbhəni bir neçə istiqamətdən yarıb Kiyevə qədər yürüyəcəklər. Ondan sonra hər şeyi Moskva diqtə edəcək.
Putin Ukrayna haqqında nə düşündüyünü bu yaxında bir daha dilə gətirdi. Onun Rusiya təbliğatçısı Yevgeni Kiselyova verdiyi son müsahibəsi də həmişə olduğu kimi geniş və məlumatsız auditoriya üçün nəzərdə tutulmuşdu.
O özünü sülhpərvər göstərsə də, gerçək istəklərini gizlədə bilmədi. Putin ictimaiyyət qarşısında özünü güclü, cəsarətli, humanist ideyaların alovlu daşıyıcısı və hər şeyi öncədən hesablayan strateq kimi göstərməyə çalışır.
Putinin Ukraynanı əslində, necə görmək istədiyini isə Rusiya Təhlükəsizlik Şurası sədrinin müavini Dmitri Medvedyev ifadə edib. Onun səsləndirdiyi yeddi bənddən ibarət “sülh formulu” Ukrayna dövlətinin xəritədən silinməsini nəzərdə tutur.
Sözsüz ki, Moskvanın ən böyük “kozırı” taktiki nüvə silahından istifadədir və bunu tez-tez səsləndirir. Taktiki nüvə silahı isə “şıltaq silah”dır.
Əgər o, cəbhə boyunca yerləşən Ukrayna mövqelərinə atılarsa, bundan rus əsgərləri də ziyan görəcək. Həmçinin, birdən Ukrayna nüvə başlığı daşıyan raketi və ya təyyarəni Rusiya mövqelərinə yaxın yerdə, yaxud hətta Rusiya ərazisində vursa, o zaman necə olacaq? Hələ bunun beynəlxalq rezonansı da var.
O zaman Qərblə Rusiya arasında ən adi münasibətlər də kəsilər və üstəlik dünyanın qalan hissəsi də Moskvadan üz döndərə bilər. Digər yandan, “dünyanın ikinci ən güclü ordusu” üç günə məğlub edəcəyi (?) ölkəyə niyə nüvə silahı atsın ki?
Qərb generalları deyrlər ki,Ukraynaya yardım verilməzsə, o, məğlubiyyətlə üzləşəcək. Həmçinin, ABŞ-nin analitik informasiya şəbəkələri əsasən bu sayaq məqalələr dərc edirlər və sanki bilərəkdən ictimai fikri bu yöndə hazırlayırlar.
Məsələn, ABŞ Mərkəzi Kəşfiyyat İdarəsinin direktoru Uilyam Börns bildirib ki, ABŞ Ukraynaya müvafiq silahlar yollamasa məğlubiyyət qaçılmazdır.
Təbii ki, müharibənin müqəddəratında Amerikanın yardımları xüsusi önəm kəsb edir və ələlxüsus da artilleriyanın rolu böyükdür. Lakin son bir neçə aydır ki, müharibənin axarını dəyişəcək hadislər yaşanır. Pilotsuz Uçuş Aparatlarının (PUA) rolu xeyli artıb.
Dron faktoru müharibənin gedişinə ciddi təsir etməyə başlayıb. Hazırda məhz dronların köməyi ilə rusların Avdeyevkadan sonrakı irəliləyişi durdurulub. Müəyyən mənada Ukrayna üçün kritik bir məqamda dronlar artilleriyanı əvəzləyə bilib.
Hətta Ukraynada dronlarla bağlı ayrıca bir hərbi birləşmə də yaradılıb. Ukrayna 2024-cü ildə 1 milyon ədəd kiçik həcmli “FPV dron”, 1000 ədəd isə uzaq məsafə qət edə bilən zərbə PUA-ları istehsal etməyi planlaşdırır. Ukraynalılar hazırda müxtəlif funksiyalı 6 növ dron buraxırlar.
Ukrayna hərbçilərinin dediyinə görə rusların son üç aydakı canlı qüvvə itkilərinin təxminən 60 faizi dron zərbələrinin payına düşür. FPV dornlar eyni zamanda düşmənin artilleriya qurğularını, zirehli texnikasını, piyadaları vurur. O da qeyd edilir ki, Rusiya dron istehsalında Ukraynadan geridədir.
Digər yandan, Ukraynanın uzaqmənzilli zərbə PUA-larını təkmilləşdirməsi öz bəhrəsini verir. Belə ki, Ukrayna sərhədindən 800 kilometr uzaqda yerləşən Rusiyanın Nijni Novqorod vilayətindəki Neft Emalı Zavoduna vurulan zərbə müharibənin xarakterində dəyişikliklər baş verdiyini göstərir.
Bununla yanaşı, Ukrayna PUA-ları Rusiyanın Ryazan, Rostov, Volqoqrad vilayətlərindəki və Krasnodar diyarındakı Neft Emalı Zavodlarına uğurlu hücumlar təşkil ediblər.
Hadisələrin inkişaf dinamikası göstərir ki, Ukrayna PUA-lar vasitəsilə Rusiyanın Neft Emalı Zavodlarına hücumlarını intensivləşdirərsə Rusiya iqtisadiyyatı böyük təhlükə ilə üzləşəcək.
Rusiyada işlək şəkildə olan 30-a yaxın iri Neft Emalı Zavodu var və bunların emal gücünə görə ən böyük həcmliləri əsasən ölkənin Avropa hissəsində yerləşir. Məlumat üçün onu da qeyd edək ki, Fransa və Böyük Britaniya da Ukraynaya xeyli sayda müxtəlif funksiyalı dronlar göndərməyi planlayır.
Rusiyanın ərazi baxımından böyük olması onun havadan yaxşı qorunmasını tələb edir, lakin indiki şərtlər daxilində bu, müşkül məsələdir.
Kremlin bundan sonra qarşılaşacağı digər problem isə Ukrayna ilə qonşu olan vilayətlərin mühafizəsidir. İndi müharibə təkcə Ukraynada yox, Rusiyanın ərazisində də gedir.
Etnik ruslardan ibarət ”Azad Rusiya Legionu”, ”Rusiya Könüllülər Korpusu” və “Sibir batolyonu” yavaş-yavaş ölkənin içərilərinə doğru irəliləyirlər. Hələlik onlar böyük zərbə gücünə malik deyillər.
Lakin unutmayaq ki, bu hərbi dəstələr tədricən döyüş təcrübəsi qazanırlar və perspektivdə diviziyaya çevriləcəklər.
Kremlin ən böyük qorxusu müharibənin Rusiya ərazisinə keçməsiydi ki, bu da demək olar, baş verməkdədir.
Çünki bu zaman toplanılan ehtiyat qüvvələr ölkə ərazilərini qorumaq məcburiyyətində qalacaq, hakimiyyətə olan inam sarsılacaq və ən əsası isə ölkənin iqtisadi sütunu sayılan obyektlər asan hədəf halına gələcəklər.
Bu, hələ başlanğıcdır. Əgər Qərb Ukraynaya köməyi əsirgəməsə, Kremlin idarəçiliyi laxlaya bilər. Bəs, Qərbin Rusiya ilə bağlı belə bir fikri varmı?
Vaqif Nəsibov
Xəbəri paylaş
Digər xəbərlər
30-03-2024, 23:55
XİN 31 Mart - Azərbaycanlıların Soyqırımı Günü ilə bağlı bəyanat yayıb
30-03-2024, 23:50
Ermənistanın “dost”ları kimlərdir? - VİDEO
30-03-2024, 23:45
“RUSİYADA VƏZİYYƏT DRAMATİK DƏRƏCƏDƏ AĞIRDIR...”- “Ölkəni Avropadan ayırmaq böyük fəlakətdir”/Müsahibə
30-03-2024, 21:10
Aİ Türkiyənin aviaşirkətinə onun ərazisi üzərindən uçmağı qadağan etdi
30-03-2024, 21:05
"Crocus City Hall"dakı terror aktında yaralı sayı 695-ə çatıb
30-03-2024, 20:30
Səlcuq sultanlarının DNT analizi üzrə heykəlləri hazırlandı - FOTO
30-03-2024, 20:07
Rusiya ilk dəfə bu bombadan istifadə edib - Böyük dağıdıcı gücə malikdir
30-03-2024, 20:00
“Türkiyə Ukraynaya silahlar verəcək”- ”Aydınlıq” nəşri
30-03-2024, 19:25
Erməni siyasətçi Tacikistan və Qırğızıstanı TƏHQİR ETDİ: “Bədbəxt ölkələrdir”- VİDEO
30-03-2024, 18:00
“Rusiya cəmiyyəti benzinsiz, dizelsiz yaşamağı öyrənməlidir - Bu, ədalətlidir”- Zelenski
30-03-2024, 17:45
“AVRO-2024”-ə DRONLARLA TERROR HÜCUMU OLA BİLƏR - “BİLD”
30-03-2024, 17:30
DİN vətəndaşlara müraciət etdi: "Saxta elektron sikkələr sataraq..."
30-03-2024, 17:25
Türkiyə ABŞ-dan F-16-ların tədarükünü azalda bilər
30-03-2024, 17:15
“ABŞ yardımının gecikməsi Ukraynaya baha başa gəlir”- Zelenski
30-03-2024, 17:00
Taciklər kütləvi şəkildə Rusiyanı tərk edir - “Vətəndaşlarımız panika, qorxu içindədir..."
30-03-2024, 16:45
“İRAN HÖKUMƏTİ ÖZ NÜVƏ POTENSİALINI ARTIRIR”- "Təftişə icazə vermirlər”- Rafael Qrossi
30-03-2024, 16:30
İrəvanın "şıltaqlığına" Kremlin səbrlə “dözməsi”nin səbəbi nədir?- Ekspert AÇIQLADI
30-03-2024, 16:15
İranda hicabı tənqid edən güneyli müəllimə həbs cəzası verildi
30-03-2024, 15:45
Əskipara kəndinə xüsusi polis qüvvələri göndərildi...- "İzah edirlər ki, bu, onlara kömək etmir, əksinə, zərər verir"
30-03-2024, 15:30
STALİNİN QIZINI SEVƏN KAPLER - Sovet lideri ona ingilis casusu damğası vurdu, amma...
30-03-2024, 15:25
İŞİD sözçüsü Rusiyadakı terrordan sonra müraciət yayıb - “Vilayəti-Xorasan”a təşəkkür
30-03-2024, 15:15
Rusiya-Gürcüstan sərhədində minlərlə maşın gözləyir
30-03-2024, 15:00
Jurnalistlər “Crocus”da terror aktının sponsorlarına məxsus kriptopulqabı tapıblar
30-03-2024, 14:45
“RUSİYA ORDUSU İRƏLİLƏYİR" - "Ukrayna müqavimət göstərə bilməyəcək”
30-03-2024, 14:15
Türkiyədə “sükut günü”dür - Xəbər, proqnoz və şərh vermək qadağandır
30-03-2024, 14:00
HƏYAT YOLDAŞI GENERALI MƏHKƏMƏYƏ VERDİ - FHN-də növbəti qalmaqal
30-03-2024, 13:55
İsrail Qəzzanı bombalayıb - Xeyli sayda insan həlak olub
30-03-2024, 13:50
Britaniya ordusunda 100 illik qadağa ləğv edildi: Saqqal saxlamaq olar
30-03-2024, 13:15
Ermənistanın Rusiyaya ixracı 3 dəfə artıb - İrəvanın Moskvaya dəstəyini Aİ də təqdir edir?
30-03-2024, 13:00
Fazil Mustafaya sui-qəsdlə bağlı növbəti məhkəmə - Şahidlər ifadə verdi
30-03-2024, 12:55
“ABŞ-ın dəstəyi olmasa, Ukrayna ordusu geri çəkiləcək”- Zelenski
30-03-2024, 12:40
DƏRMANLAR KƏSKİN BAHALAŞIB - Qiymətləri kimlər artırır? /VİDEO
29-03-2024, 23:00
Azərbaycanda narkotikə görə 7 il həbsə alınan 32 YAŞLI QADIN DANIŞDI: “Rəfiqələrimin günahıdır..."- VİDEO
29-03-2024, 22:50
“ABŞ-ın Ukraynaya ümumi yardımı 113 milyard dolları ötür”- “Fox News”
29-03-2024, 22:35
Yalnız “qadınlardan” ibarət olan “TROLL FABRİKİ”ni NAZİRLİKLƏ NƏ BAĞLAYIR?- FOTOFAKT
29-03-2024, 22:22
İran səfirinin Azərbaycanda diplomatik missiyası başa çatıb
29-03-2024, 22:00
"Rusiya Xarkova hücum edərsə, bu, onun üçün fəlakətə çevriləcək"- Sırski
29-03-2024, 21:55
"Qarabağ" sona 8 tur qalmış 11-ci çempionluğunu rəsmiləşdirib
30-03-2024
29-03-2024