Bayden bunu cümə günü Pensilvaniyada çıxışı zamanı Trampı tənqid edərkən bildirib.

O, xüsusilə xatırladıb ki, Tramp Şimali Koreya lideri Kim Çen Inın məktublarını “sevgi məktubları” ilə müqayisə edib. “Prezidentin belə bir şey deyəcəyinə inana bilərsinizmi? Putinə heyranlığını”, - Amerika lideri deyib.

Baydenin Pensilvaniyadakı çıxışı 2021-ci ilin yanvarında Kapitoliyaya hücumun növbəti ildönümünə təsadüf edib.

Digər tərəfdən, Bayden 2023-cü il dekabrın sonunda Merilenddə seçki kampaniyası üçün təşkil edilən qəbulda “Moskva ilə Mar-a-Laqo (Trampın Floridadakı mülkü) arasında çoxlu razılaşma olduğunu da iddia edib.

Qeyd edək ki, 2021-ci il yanvarın 6-da o zaman prezident olan Respublikaçı Trampın tərəfdarları 2020-ci ilin noyabrında ölkədə keçirilən və Demokrat Baydenin qələbəsi ilə başa çatan prezident seçkilərinin nəticələrinin təsdiqlənməsinin qarşısını almaq üçün Kapitoliya binasına hücum ediblər. 

Bina daxilində iğtişaşlar zamanı polis bir etirazçını güllələyib və öldürüb. Toqquşmalardan sonra Kapitoliya polisinin bir əməkdaşı həyatını itirib.

Xatırladaq ki, ABŞ-da növbəti prezident seçkiləri bu ilin noyabrında keçiriləcək. Bayden ən yüksək hökumət ofisinə yenidən seçilmək istədiyini 2023-cü ilin 25 aprelində açıqlayıb. 

Tramp isə ən yüksək post üçün seçki yarışına qoşulacağını 2022-ci ilin noyabrında elan edib.