“The Times of Israel” xəbər verir ki, bunu İsrailin müdafiə naziri Yoav Qalant Qəzza zolağı ilə sərhəddə ordunun ehtiyatda olan əsgərləri ilə görüşündə deyib.

“Biz artıq HƏMAS terrorçularının ən azı dörddə birini öldürmüşük və eyni sayda yaralı var”, - Qalant bildirib.

Nazir həmçinin Qəzza zolağında əməliyyatın uzanacağı ilə bağlı proqnozunu təkrarlayıb:
“Uzun müharibə aparırıq, amma sonda HƏMAS-ı sındıracağıq.

Terrorçular qalıb və biz artıq müqavimət ocaqları ilə mübarizə aparırıq, bu, bir gün deyil, aylar çəkəcək. Digər tərəfdən, onların heç bir ehtiyatı yoxdur. Onların özlərinə, yaralılarına və digərlərinə qulluq etmək çətindir”.