Bu barədə “NBC News” məlumat yayıb.

Terner bildirib ki, komitə milli təhlükəsizliyə ciddi təhdid ilə bağlı məlumatları Konqresin bütün üzvlərinə təqdim edib, lakin hansı təhdiddən danışdığını dəqiqləşdirməyib.

O, Baydendən konqres, administrasiya və müttəfiqlərin bu təhlükəyə cavab vermək üçün lazım olan hərəkətləri açıq şəkildə müzakirə edə bilməsi üçün bu təhlükə ilə bağlı bütün məlumatların məxfiliyini açmağı xahiş edib.

Təhlükə ilə tanış olan “NBC News”un mənbəsi bunun sabitliyin pozulmasına və milli təhlükəsizliyə təhlükə yarada biləcək ciddi problem olduğunu bildirib. O, bunu potensial xarici təhlükə kimi təsvir etsə də, bunun haradan gəldiyini açıqlamayıb.

CNN mənbələrə istinadən xəbər verir ki, təhlükə Rusiya ilə bağlıdır. Kanalın həmsöhbətləri onu çox həssas kimi xarakterizə ediblər. 

Kəşfiyyatdan xəbəri olan bir mənbə bildirib ki, “bu, əslində son vaxtlar bildiyimiz çox narahatedici və sabitliyi pozan Rusiya potensialıdır”.

“Reuters” iddia edir ki, təhlükə Rusiya və kosmik əməliyyatlarla bağlıdır. Agentliyin həmsöhbətləri başqa təfərrüatları açıqlamayıblar.

ABŞ prezidentinin milli təhlükəsizlik üzrə müşaviri Ceyk Sallivan söhbətin hansı təhlükədən getdiyini açıqlamaqdan imtina edib. 

O qeyd edib ki, Terner ciddi təhlükə barədə xəbərdarlıq etməmişdən əvvəl də milli təhlükəsizlik komitələrindəki yüksək səviyyəli qanunvericilərlə şəxsən əlaqə saxlayıb. 

Onun sözlərinə görə, fevralın 15-də kəşfiyyat məlumatları ilə tanış olan konqres liderləri ilə görüşməyi planlaşdırır. Sallivan əlavə edib ki, Ternerin ictimaiyyətə açıqlama vermək qərarı onu təəccübləndirib.