Bu barədə Rusiya prezidentinin mətbuat katibi Dmitri Peskov keçirdiyi brifinqdə bildirib.

Brifinq zamanı Kreml təmsilçisindən Ukraynaya Avropa ölkələrindən qoşun göndərilməsi barədə danışan Fransa Prezidenti Emmanuel Makronun sözlərinə münasibət bildirmək istənilib.

“Bu halda biz münaqişənin ehtimalından yox, qaçılmazlığından danışmalıyıq. Biz bunu belə qiymətləndiririk. 

Ümumiyyətlə, burada, yəqin ki, NATO ölkələrinin müəyyən kontingentinin Ukraynaya göndərilməsinin mümkünlüyünün müzakirəsi faktının özü, əlbəttə ki, çox mühüm, yeni elementdir. 

Fransa prezidentinin çıxışlarındakı bütün digər elementlər artıq bu və ya digər şəkildə səsləndirilib, biz hamımız onları artıq nəzərə almışıq”, - Peskov bildirib.

Xatırladaq ki, fevralın 26-da Parisdə 20 Avropa ölkəsinin liderləri, həmçinin Böyük Britaniya və ABŞ nümayəndələrinin Ukraynaya hərbi yardımı müzakirə etdiyi konfrans keçirilib. Bu tədbir zamanı Fransa Prezidenti Emmanuel Makron müttəfiqlərin Ukraynaya öz qoşunlarını göndərə biləcəyini bildirib.