Rusiya KİV-i xəbər verir ki, bunu Rusiya Prezidenti Vladimir Putin Federal Məclisə ənənəvi illik müraciətində bildirib.

“Onlar NATO hərbi kontingentinin Ukraynaya göndərilməsinin mümkünlüyü barədə danışmağa başladılar. Biz vaxtilə öz kontingentini ölkəmizin ərazisinə göndərənlərin taleyini xatırlayırıq. Ancaq indi onlar üçün nəticələr daha faciəli olacaq”, - Putin deyib.

“Onlar əvvəl-axır başa düşməlidirlər ki, bizim də onların ərazisindəki hədəfləri vura biləcək silahlarımız var - və onlar bunu bilirlər”, - Putin əlavə edib.

Onun sözlərinə görə, Qərbin bütün dünyanı qorxutduğu şey əslində, nəticə etibarı ilə nüvə silahından istifadə etmək və sivilizasiyanı məhv etməkdir.

“Məgər onlar bunu başa düşmürlər? Onlar çətin sınaqlardan keçməmiş insanlardır. Onlar artıq unudublar ki, müharibə nədir”, - Rusiya lideri yekunlaşdırıb.