Bunu ABŞ Dövlət Departamentinin mətbuat xidmətinin rəhbəri Metyu Miller keçirdiyi ənənəvi brifinqdə deyib.

“Biz jurnalistləri, vətəndaş cəmiyyəti təmsilçilərini və müxalifət nümayəndələrini qorxutmaq, repressiyaya məruz buraxmaq və cəzalandırmaq cəhdlərinin davamlı olmasına öz kəskin etirazlarımızı bildirməliyik. 

Biz Azərbaycanı əsas azadlıqlarından istifadə edənlərə qarşı təzyiqlərə son qoymağa və siyasi motivli işlərdə haqsız yerə həbs edilən bütün şəxslərin azadlığa buraxılmasına çağırırıq. Heç kim ifadə azadlığından istifadə etdiyinə görə həbs və ya başqa cəza ilə üzləşməməlidir”.

Xatırladaq ki, ötən gün Toplum TV-nin fəaliyyət göstərdiyi ofisdə axtarış aparılıb və kanalın əməkdaşlarından bəziləri saxlanılıb.

Meydan TV yazır ki, Toplum TV ilə bağlı işdə Akif Qurbanova, Fərid İsmayılova, Müşfiq Cabbara, Əli Zeynala, Ramil Babayevə, Elmir Abbasova və İlkin Əhmədova 206.3.2 (qaçaqmalçılıq) ittihamı ilə cinayət işi açılıb.