Bu barədə “Fotospor” nəşri Azərbaycanın Türkiyə Futbol Federasiyasına (TFF) göndərdiyi məktuba istinad edərək məlumat yayıb.

Məktubda Azərbaycan tərəfinin “Fənərbağça” və “Qalatasaray” arasında keçirilməsi nəzərdə tutulan Superkubok finalının Bakıda keçirilməsini təklif etdiyi bildirilir.

Qeyd olunub ki, məktubda, həmçinin superkubokla bağlı TFF nümayəndələri ilə birlikdə “Fənərbağça” və “Qalatasaray” nümayəndələri də Bakıya dəvət edilib.

“TFF-nin, həmçinin “Fənərbağça” və “Qalatasaray”ın Azərbaycandan gələn bu təklifə necə cavab verəcəyi yaxın günlərdə məlum olacaq. Hazırda mövcud olan plan isə matçın Samsunda və ya Ankarada keçirilməsidir”, - nəşrin məlumatında deyilir.

Qeyd edək ki, Türkiyə Superkubokunun 2023-cü il dekabrın 29-da Səudiyyə Ərəbistanında keçirilməsi nəzərdə tutulmuş, ancaq Səudiyyə Ərəbistanının irəli sürdüyü bəzi tələblərlə əlaqədar oyun təxirə salınmışdı.