Press-fakt.com xəbər verir ki, mükafatlandırma mərasimi Londonda baş tutub.

Mükafata “Mançester Siti” klubunda çıxış edən norveçli hücumçu Erlinq Holan və “Paris Sen-Jermen” komandasında mübarizə aparan fransalı hücumçu Kilian Mbappe də namizəd göstərilib.

Sorğunun nəticələrinə görə, Messi və Holan hərəyə 48 xal toplayıblar. Ancaq argentinalı futbolçu milli komandanın kapitanları arasında keçirilən səsvermədə birinci olduğu üçün nominasiyada qalib gəlib.

Messi mükafatlandırma mərasimində iştirak etməyib və videolink vasitəsilə də qoşulmayıb. Oyunçular mükafatı 2022-ci il dekabrın 19-dan 2023-cü il avqustun 20-dək olan oyun dövrü üçün alıblar.

Qadın futbolunun ən yaxşı oyunçusu “Barselona”nın yarımmüdafiəçisi Aitana Bonmati olub. İngiltərənin “Mançester Siti” klubuna başçılıq edən ispaniyalı Xosep Qvardiola 2023-cü ilin ən yaxşı məşqçisi seçilib. Qadın futbolunda bu mükafat İngiltərə yığmasının məşqçisi hollandiyalı Sarina Viqmana verilib.

Ən gözəl qola görə Ferens Puşkaş mükafatının qalibi braziliyalı yarımmüdafiəçi Gilerme Madruqa (“Botafoqo”) olub. Kişilər arasında ilin ən yaxşı qapıçısı braziliyalı Ederson (“Mançester Siti”), qadınlarda isə Meri Erps (“Mançester Yunayted”) seçilib.

Braziliyanın kişilərdən ibarət komandası “Fair Play” mükafatını qazanıb. Braziliya millisi irqçiliklə mübarizəyə görə mükafat alıb.
Qeyd edək ki, 2022-ci ilin dekabrında Messi Argentina millisinin tərkibində Qətərdə dünya çempionu olub. Hücumçu yeddi oyunda yeddi qol vuraraq turnirin ən yaxşı oyunçusu seçilib.

Forvard ötən mövsümü “Paris Saint-Germain”də keçirərək, Fransa çempionu və turnirin ən yaxşı assistenti (16 məhsuldar ötürmə ilə) olub. 2023-cü ilin yayında Messi “İnter Mayami”yə keçib, Amerika klubu ilə Böyük Futbol Liqası (MLS) və Meksika Çempionatının komandalarının iştirak etdiyi Liqa Kubokunu qazanıb. 

Argentinalı üçün bu kubok onun karyerasında 44-cü olub ki, bu da ona tarixin ən titullu futbolçuları siyahısına başçılıq etməyə imkan verib. Oktyabr ayında Messi öz rekordunu yeniləyib və səkkizinci dəfə “Qızıl top”u qazanıb.

Xatırladaq ki, FIFA-nın təsis etdiyi bu mükafat 2016-cı ildə təsis edilib. Messi daha əvvəl 2019 və 2022-ci illərdə qazandığı bu mükafatı üçüncü dəfə qazanıb. FIFA-ya görə, həmçinin portuqaliyalı Kriştiano Ronaldo (2016, 2017), xorvatiyalı Luka Modriç (2018) və polşalı Robert Levandovski (2020, 2021) ən yaxşı futbolçular kimi tanınıb.