Bu barədə SSRS idman araşdırma şirkəti keçirdiyi sorğunun nəticələrinə görə məlumat yayıb.

Belə ki, şirkət hər rüb 12 yaşdan yuxarı azarkeşlər arasında sorğular keçirir. Messi sorğuda qalib gələn ilk futbolçu olub. O, son sorğuda bütün səslərin 5%-ni toplayıb. Bundan əvvəl liderlik keçmiş basketbolçu Maykl Cordana aid olub.

Məlumata görə, indiyə kimi sorğuda birinci olan futbolçu olmayıb. 

Tədqiqatçıların fikrincə, Messinin Argentina millisi ilə 2022-ci il Dünya Çempionatında uğur qazanması, həmçinin, ABŞ-yə köçməsi ona uğur qazanmağa kömək edib.

Qeyd edək ki, Messi Fransanın “Paris Saint-Germain” klubunda iki il oynadıqdan sonra 2023-cü ilin yayında Amerika klubuna keçib. Avqustun 20-də argentinalı Amerikada ilk kuboku - Liqa Kubokunu qazanıb. 

Ötən mövsüm Messi 14 oyunda 11 qol vurub və 5 məhsuldar ötürmə edib.

2022-ci ilin dekabrında isə Messi Argentina millisi ilə dünya çempionu olub. 

Bu, futbolçunun karyerasında bu cür ilk kubokdur. O, yeddi matçda yeddi qol vuraraq turnirin ən yaxşı oyunçusu seçilib. 

Messi səkkiz dəfə “Qızıl top”un, altı dəfə “Qızıl buts”un qalibidir.