Bu barədə WAFA xəbər agentliyi Fələstin Jurnalistlər Birliyinin hesabatına istinadən məlumat yayıb.

“Ötən ay İsrail qüvvələri tərəfindən Fələstində jurnalistlərə qarşı ümumilikdə 135 cinayət qeydə alınıb. Eyni zamanda, 8 media işçisi yaşayış binalarının birbaşa atəşə tutulması nəticəsində, daha 4 nəfər isə redaksiya tapşırıqlarını yerinə yetirərkən həlak olub”, - hesabatda deyilir.

Qeyd olunur ki, anklavda jurnalistlərə və onların ailə üzvlərinə qarşı məqsədyönlü hücumlar davam edir. Məlumata görə, media işçilərinin evlərinə qəsdən edilən hücumlar nəticəsində onların ailə üzvlərinin bir neçəsinin də həyatına son qoyub.

Hesabatda bildirilir ki, ötən il oktyabrın 7-də münaqişə qızışmağa başlayandan bəri Qəzza zolağında 116 jurnalist öldürülüb:

“Daha bir neçəsinin taleyi onlarla əlaqə kəsildikdən sonra naməlum olaraq qalır”.