Türkiyə Statistika İdarəsinin məlumatına görə, Türkiyədə yaşayan xarici ölkə vətəndaşlarının sayı son bir ildə 253 min 293 nəfər azalıb.

Məlumat üçün qeyd edək ki, qardaş ölkədə yaşayan Azərbaycan vətəndaşlarının sayı 70 min 971 nəfər olub.

2023-cü ilin əvvəli ilə müqayisədə Türkiyədə yaşayan azərbaycanlıların sayı 2 min 87 nəfər artıb. Türkiyədə yaşayan azərbaycanlıların 33 min 287-si kişi, 37 min 684-ü qadın olub.

Türkiyədə yaşayan əcnəbilərin sayına görə Azərbaycan vətəndaşları 8-ci sırada qərarlaşıb.

Son 2 ildə Türkiyədə yaşayan xarici ölkə vətəndaşlarının ilk 10-luğu aşağıdakı kimi olub:

Onu da qeyd edək ki, bu ilin əvvəlinə olan məlumatda Türkiyədə 1165 nəfər Ermənistan vətəndaşının yaşadığı qeyd olunub və son bir il ərzində onların sayı 281 nəfər azalıb. Türkiyədə yaşayan Ermənistan vətəndaşlarının 212-si kişi, 953-ü qadın olub.

Türkiyədə yaşayan Gürcüstan vətəndaşlarının sayı isə son bir ildə 2 min 829 nəfər azalaraq 11 min 851-ə düşüb və bunların 2 min 139-u kişi, 9 min 712 nəfəri isə qadın olub.

Elnur Əli