Bu barədə “Fox News” telekanalı məlumat yayıb.

“Seçildikdən dərhal sonra mən G7-nin bütün NATO liderlərinin görüşünə getdim. Bu, İngiltərənin cənubunda idi. Mən oturdum və dedim ki, Amerika qayıtdı. Almaniyadan olan Mitteran - yəni fransalı - mənə baxıb soruşdu: “Yaxşı, o, nə qədər vaxtdır qayıdıb?” - ABŞ rəhbəri Las-Veqasda seçicilərlə görüşündə deyib.

“Fox News” yazır ki, Bayden, ehtimal ki, Böyük Britaniyada keçirilən G7 sammiti çərçivəsində Fransanın hazırkı Prezidenti Emmanuel Makronla görüşünü nəzərdə tutub.

Qeyd edək ki, 2023-cü ilin noyabrında 81 yaşı tamam olan Bayden ictimai çıxışlarında tez-tez belə vəziyyətlərə düşür və ABŞ-də bu, zarafatla “baydenizm” adlandırılır.

Yanvarın 27-də Amerikanın “The Wall Street Journal” qəzeti də Bayden və Trampın yaş səviyyələri ilə bağlı səhvlərə meylli olduqlarını qeyd etmiş və bu iki namizədin seçki kampaniyası zamanı mətbuatın diqqət mərkəzində olacağını vurğulamışdı.

Xatırladaq ki, ABŞ-də prezident seçkiləri 2024-cü ilin noyabrında keçiriləcək. Donald Tramp və Nikki Heyli Respublikaçılar Partiyasından namizəd olmaq üçün mübarizə aparır. ABŞ-nin hazırkı Prezidenti Co Bayden isə Demokratlar Partiyasından yenidən seçilmək niyyətindədir.