Türkiyə KİV-i xəbər verir ki, terrorçu Faiq Aydının Avropada terror fəaliyyətlərində iştirak etdiyi müəyyən olunub. O, İraqa keçdikdən sonra Süleymaniyyədə yerli xalqa təşkilata dəstək vermək və üzv olmaq üçün təzyiq göstərdiyi aşkar edilib.

Təşkilat daxilində mühüm rola malik olduğu müəyən edilən terrorçuya qarşı əməliyyat keçirmək qərara alınıb.

Terrorçu Aydının fəaliyyətlərinə son qoymaq üçün sahə agentlərinin iştirakı ilə əməliyyat hazırlanıb. Türkiyənin 160 kilometrliyində İraqda həyata keçirilən bu əməliyyatda “Renas Raperin” kod adlı Faiq Aydın lazımi vaxt və şəraitdə zərərsizləşdirilib.

MİT həmçinin, terrorçunun Avropada PKK üçün terrorçu topladığını üzə çıxarıb. Uzun illər Avropanın bir çox ölkəsində fəaliyyət göstərdikdən sonra 2015-ci ildə İraqın şimalına köçərək təşkilatın silahlı heyətinə qoşulub.

Terrorçunun təşkilat daxilində daha yüksək vəzifələrə təyin olunacağı gözlənilirdi.

Digər tərəfdən, terrorçu Faiq Aydının qardaşlarından Sayqı Aydın 2014-2018-ci illərdə Ərzurumda terror hadisələrində iştirak edib və 2018-ci ildə zərərsizləşdirilib. Digər qardaşı Ferhat Aydın isə Suriyada 2013-2014-cü illərdə PKK-nın tərkibində olarkən dünyasını dəyişib.