Bunu “RİA Novosti”yə müsahibəsində Rusiya Xarici İşlər Nazirliyinin KTMT məsələləri üzrə xüsusi səfiri Viktor Vasilyev bildirib.

“Mən sizə Ermənistanın təhlükəsizliyinin hərbi-texniki sahə də daxil olmaqla KTMT çərçivəsində əməkdaşlıq olmadan mümkün olmadığını açıq şəkildə nümayiş etdirən məlumatları açıqlaya bilmərəm”, - Vasilyev əlavə edib.

Bundan əlavə, diplomat qeyd edib ki, Rusiya Qərb dövlətlərinin Ermənistandakı vəziyyətdən təkcə Ermənistanda deyil, bütün Qafqazda vəziyyəti gərginləşdirmək üçün istifadə etmək cəhdlərini görür.

“Biz erməni həmkarlarımızın diqqətini Qərb ölkələrinin bu şüurlu siyasətinə yönəltmək üçün KTMT çərçivəsində bütün səviyyələrdə müzakirələrdən istifadə edirik”, - o vurğulayıb.

Qeyd edək ki, Ermənistan hakimiyyəti dəfələrlə KTMT və Rusiyanı öhdəliklərini yerinə yetirməməkdə ittiham edib.

Xatırladaq ki, Ermənistanın Baş naziri Nikol Paşinyan KTMT-nin noyabrın 23-də Minskdə keçiriləcək sammitində iştirakdan imtina edib. 

Oktyabrın 26-da Paşinyan Aİİ və MDB-nin Bişkekdə keçirilən hökumətlərarası şuralarına getməyib, respublikanı tədbirlərdə ölkənin baş nazirinin müavini Mqer Qriqoryan təmsil edib.  

Ermənistanın Baş naziri həmçinin oktyabrın 13-də Bişkekdə keçirilən MDB sammitinə də gəlməyib. May ayında Minskdə keçirilən KTMT Müdafiə Nazirləri Şurasının iclası da Ermənistan müdafiə naziri Suren Papikyanın iştirakı olmadan keçib.