Bunu Cons Hopkins Universitetinin professoru, doktor Marti Makari deyib.

O, “Fox News”a müsahibəsində bildirib ki, hazırkı vəziyyət narahatlıq doğurur:
“Birincisi, hər hansı bir insan sözləri qarışdıra və ya nitqdə səhvlərə yol verə bilər.

Lakin bizim müşahidə etdiyimiz şey nitqin əhəmiyyətli dərəcədə pisləşməsi və yaddaşın zəifləməsidir.

Bu, getdikcə daha tez-tez baş verir və narahatlıq doğurur. Biz koqnitiv funksiyanın azalmasının şahidi oluruq. 

İndiki ilə beş il əvvəl əldə etdiklərimiz arasındakı fərq göz qabağındadır və bu, üzücüdür”.

Marti Makari

Makari əlavə edib ki, hazırkı Amerika liderinin vəziyyətinin sabitləşməsi çox çətindir:
“Bu, açıq-aydın yaşa bağlı demensiyadır və insanlar bunun onun fəaliyyətinə təsir edə biləcəyindən narahatdırlar”.

Fevralın 9-da əvvəllər ABŞ-nin keçmiş prezidentləri Barak Obama və Donald Trampın həkimi işləmiş konqresmen Ronni Cekson bildirib ki, Bayden çoxlu əqli qabiliyyət testlərindən keçməlidir, bundan sonra Amerika vətəndaşları onların nəticələrindən xəbərdar edilməlidir. 

Konqresmen əmindir ki, hazırkı Amerika lideri ABŞ-nin nüvə arsenalına görə məsuliyyət daşıya bilməz.

Qeyd edək ki, 2023-cü ilin noyabrında 81 yaşı tamam olan Bayden ictimai çıxışlarında tez-tez müxtəlif dil sürüşmələri və şifahi kobud səhvlər edir.