Bu barədə ABŞ-nin keçmiş Prezidenti Donald Tramp Sebastyan Qorki şousuna verdiyi müsahibədə bildirib.

“Biz onları, Rusiya və Ukrayna prezidentlərini bir araya gətirməliyik. Onda mən onlara deyəcəyəm: siz bunu etməlisiniz, yəni, razılaşmalısınız. 

Mən onların hər birinə müəyyən şeylər deyəcəyəm ki, onları bütün dünyaya səsləndirməyəcəyəm. Amma mən güman edirəm ki, uğur qazanacağam”, - Tramp deyib.

Tramp Rusiya Prezidenti Vladimir Putinlə yaxşı münasibətdə olduğunu da qeyd edib.

Qeyd edək ki, bundan əvvəl Tramp dəfələrlə bəyan edib ki, ABŞ-nin hazırkı Prezidenti Co Baydenim Ukrayna ilə bağlı siyasəti bəşəriyyəti üçüncü dünya müharibəsinə sövq edə bilər. Sabiq dövlət başçısı, həmçinin dəfələrlə qeyd edib ki, prezident seçkilərində qalib gəlsə, 24 saat ərzində Ukraynada vəziyyətin nizamlanmasını təmin edə bilər.