Bu barədə Aİ Şurası məlumat yayıb.

Şura sanksiyalar çərçivəsində 106 fiziki və 88 hüquqi şəxsə qarşı məhdudlaşdırıcı tədbirlər tətbiq edib.

Qərarın yaxın vaxtlarda ittifaqın Rəsmi Jurnalında dərc ediləcəyi gözlənilir. Sənəd bundan sonra qüvvəyə minəcək. Burada fiziki və hüquqi şəxslərin adları da açıqlanacaq.

“Şura Ukraynanın ərazi bütövlüyünə, suverenliyinə və müstəqilliyinə xələl gətirən və ya təhdid edən hərəkətlərə görə məsuliyyət daşıyan daha 106 fiziki və 88 hüquqi şəxsə qarşı məhdudlaşdırıcı tədbirlər tətbiq etmək qərarına gəlib”, - deyə məlumatda bildirilib.

Beləliklə, Aİ-nin Rusiya üçün qara siyahısına 2 mindən çox insan və şirkət daxil olacaq. Bütün şəxslərin ittifaq ölkələri ərazisinə daxil olması qadağan ediləcək və onların Aİ-də aktivləri aşkar edilərsə, dondurulacaq.

Qeyd edək ki, Rusiyaya qarşı sanksiyalar paketi Ukraynada xüsusi hərbi əməliyyatın başlanmasının ikinci ildönümünə təsadüf edir.