Bu barədə Zelenski sosial şəbəkə hesabında məlumat dərc edib.

“Mən Prezident Rəcəb Tayyib Ərdoğanla görüşdüm.

Ukraynaya verdiyi etibarlı dəstəyə görə Türkiyəyə minnətdaram.

Ölkələrmiz, bütün regionun və qlobal ərzaq təhlükəsizliyi, eləcə də Qara dənizdə hərəkətin qeyd-şərtsiz təhlükəsizliyini tələb edir. Biz birlikdə çalışaraq buna nail ola bilərik.

Biz Türkiyənin müdafiə şirkətləri ilə ikitərəfli əməkdaşlığı gücləndirməkdə və birgə istehsalda maraqlıyıq.

Biz həmçinin Rusiyanın əsirliyində olan Krım tatarları da daxil olmaqla, hərbi əsirlərimizin və bütün xalqımızın azad edilməsində Türkiyənin köməyini tələb edirik”, - Zelenski bildirib.

***

Ukrayna Prezidenti Volodimir Zelenski hazırda Türkiyədə səfərdədir.

Bu barədə “Haber Global” məlumat yayıb.

Bildirilib ki, Zelenski İstanbulda Atatürk Hava Limanında qarşılanıb.

Onun axşam saatlarında Türkiyə Prezidenti Rəcəb Tayyib Ərdoğanla görüşəcəyi qeyd olunur.

***
Ukrayna Prezidenti Volodimir Zelenski bu gün Türkiyəyə səfər edəcək.

Bu barədə Türkiyə liderinin ofisi “X” sosial şəbəkə səhifəsində məlumat yayıb.

Məlumata görə Ukrayna Prezidenti Volodimir Zelenski və Türkiyə Prezidenti Rəcəb Tayyib Ərdoğan arasında görüş İstanbulda baş tutacaq.

“Ukrayna Prezidenti Volodimir Zelenski 2024-cü il martın 8-də ölkəmizə rəsmi səfər edəcək. Səfər zamanı Ukrayna və Rusiya arasında davam edən müharibənin gedişi, taxıl dəhlizi ilə bağlı sazişin icrasının davam etdirilməsi mövzusunda təmaslarla bağlı son vəziyyət ətraflı müzakirə olunacaq”, - məlumatda bildirilib.

Liderlər həmçinin Ukraynadakı münaqişənin həlli yolları və regionda davamlı sülh barədə fikir mübadiləsi aparacaqlar.

Məlumata görə, Ukrayna Prezidenti Volodimir Zelenski və Türkiyə Prezidenti Rəcəb Tayyib Ərdoğan arasında görüş İstanbulda baş tutacaq. Prezidentlər arasında görüşün yerli vaxtla təxminən saat 19:00-da Prezidentin İstanbulda, Dolmabaxçadakı iş kabinetində baş tutacağı gözlənilir. Bundan sonra birgə mətbuat konfransı planlaşdırılır.