AZ
RU
Ölkə rəsmən lotu-bambılıların əlində qalıb - “Üçbucaq”lar, “dördbucaq”lar, “pentaqon”lar və... ismətsiz gəlir
Ölkə rəsmən lotu-bambılıların əlində qalıb. Deyiləsi, danışılası deyil, abırlı adamlar eləcə onların pəstəhalarına tamaşa edirlər – sözün hər iki mənasında.
Bircə ürəkaçan xüsusat var ki, tək bizdə deyil, bütün dünyada elədir: internetdən pul qazanmaq istəyən on minlərlə adam özünü açıb çöldə qoyub, hər cür bambılılıq, düşüklük, əxlaqsızlıq edirlər. Adları da bloqer, tik-tokerdir.
Taylandı, Filippini, Kolumbiyanı, Seneqalı, bir sözlə, dünyanın dörd bir yanını gəzib fahişə kirayələyən, öz eşqbazlığını lentə alan, bəzi epizodları “Yutub nümayişinə icazə vermir deyə kəsməli olduq” şərhi ilə nümayiş etdirən rus bloqerlər var. Özü də xeyli.
Ukraynalı bloqerlər də onlarla çəkişir. Türkiyəli gənc bloqerlər Avropada qızlara necə girişdiklərini, Braziliyada qızlarla necə çimişdiklərini, Asiyada necə lotuluqlar etdiklərini çəkib yayırlar.
Bunlar hələ nisbətən abırlılarıdır, bloqerliyin bahalı növüylə - turizm bloqerliyi ilə məşğuldurlar. Ölkə-ölkə gəzmək havayıdırmı?
Bir də hamamdan çıxandan sonra əyninə xalat və ya qısa bir şey geyərək kamera qarşısında poza verənlər, çimərlik paltarında yataqda uzanıb o tərəfə-bu tərəfə yumbalanan qadın bloqerlər var.
Onlar heç nə demirlər, eləcə öz “gözəllik”lərini dünya ictimaiyyətinə nümayiş etdirir, milyonlarla baxış sayı qazanırlar.
Bu, artıq rahat dolanışığın bir üsuluna çevrilib. Heç bir fiziki, intellektual iş görmürlər, kamera qarşısında soyunur, əcayib-əcayib rəqslər edir, dombalaq aşır, özü ağılda olanın biri ilə lifdə, mətbəxdə mazaqlaşır, bütün bunları çəkir.
İnternetə ötürür, gözlərini əllərindəki telefonun ekranına dikib gözləyən milyonlarla “mırtkeş”in (bu, yeni termindir) sayəsində 15 dəqiqəlik populyar olur və... pul qazanırlar.
Sovet dönəminin axır illərində rüşvətlə, möhtəkirliklə, xaltura ilə pul qazanmağın adını “zəhmətsiz gəlir” qoymuşdular, hazırda öz bambılılıqları ilə pul qazananlarınkı təkcə “zəhmətsiz gəlir” deyil, həm də və daha çox “ismətsiz gəlir”dir. Abır yox, həya yox.
Bir az ciddi olan, özünə, nəslinə, kənd-kəsəyinə hörmət qoyan adam elə şeylər edərmi? Etməz. Arlanar.
Deyər, qohumlarım var, küçəyə, dükana, bazara çıxırlar, gədələr dallarınca “peysər” qışqırar, belə şeylər etməyim. Amma haradan? Pul qazanmaq, şöhrətli olmaq ehtirası ağıl-kamalı üstələyir.
Savadlı adamlar demişkən, kommunikasiya texnologiyalarının inkişafı ona gətirib çıxarıb ki, hər bir insan özünü dünyaya təqdim etmək imkanı qazanıb.
Əvvəllər yüngülbeyin səylərin, psixopatların, manyakların, pozğunların belə imkanı yox idi. İndi var və onlar bu imkandan yararlanırlar.
Nəticədə onların xüsusi çəkisinin nə ağırlıqda olduğu görünür. Dünya kəmağıl pozğunlarla, utanmaz sapıqlarla doluymuş.
Belə adamların ictimai-siyasi gündəmə çıxmasının, ümumxalq müzakirəsinin predmetinə çevrilməsinin günahı bizdədir.
Biz niyə axı 3 bambılının yalançı, düzməcə “sevgi üçbucağı”na aid videoları, xəbərləri yayırıq ki, onlar da həvəslənib yeni-yeni “üçbucaq”lar, “dördbucaq”lar, “pentaqon”lar əmələ gətirirlər.
Pentaqon demişkən, az qala üçüncü və sonuncu müharibə başlamaq üzrədir, biz üç yiyəsizin bir-birinə “xəyanət”ini müzakirə edirik. Əslində isə ortada bir razılaşma var:
“Bunu çəkək, yayaq, sonra sən elə de, mən belə, partladaq, milyonlarla baxış olacaq, tutuzduracağıq”. Məsələ budur.
10-15 il öncə manıslar, civivari müğənnilər, rəqqasələr belə şeylər edirdilər, telekanallardakı şou verilişlərində yalandan dalaşırdılar, “qalmaqal” yaradırdılar, sonra həftələrlə hamı onlardan danışırdı, camaat tərəfə çevrilir, tirələrə ayrılırdı: “A haqlıdr”, “yox, B haqlıdır”.
Əslində isə o Q-lərin heç biri haqlı deyildi, sadəcə, T-ni (tamaşaçı) axmaq yerinə qoyurdular.
Bir dəfə bir rəqqasə özünü gündəmə gətirmək üçün TV-də dedi ki, öz avtomobili ilə küçədə getdiyi yerdə manyak fanatı ona təcavüz edib. Booy! Bəs hadisə necə olub?
Heç nə. Rəqqasə maşınını işıqforda saxlayanda manyak arxa qapını açıb salona girib, sonra düşüb gedib. Hamının əli üzündə qaldı, dedilər, xanım yaxşı qurtarıb.
Ta deyən olmadı ki, onun sürdüyü maşın hərəkətə başlayan kimi qapılar kilidlənir, bayırdan açılmaz hala gəlir, ona görə də nəinki hansısa manyak, hətta öz tanışı da maşına soxula bilməzdi.
İndi bu yeni çıxan tik-tokerlər, bloqerlər o cür süni qalmaqal yaradanların, öz aşağı ətrafına böhtan atanların bazarını bağlayıb. Artıq ölkə “mırtkeş”ləri lift çəkilişlərinə maraq edir.
Bir müddətdən sonra ortaya daha abırsız, daha ismətsiz, daha əxlaqsız adamlar çıxacaq, daha böyük biabırçılıqlar edəcəklər, biz də onlardan danışacaq, yazacağıq.
Samir SARI
Digər xəbərlər
Tarix: 28-01-2024 13:45 | Bölmə: Sosium / Rezonans | Baxış: 113
Ölkə rəsmən lotu-bambılıların əlində qalıb. Deyiləsi, danışılası deyil, abırlı adamlar eləcə onların pəstəhalarına tamaşa edirlər – sözün hər iki mənasında.
Bircə ürəkaçan xüsusat var ki, tək bizdə deyil, bütün dünyada elədir: internetdən pul qazanmaq istəyən on minlərlə adam özünü açıb çöldə qoyub, hər cür bambılılıq, düşüklük, əxlaqsızlıq edirlər. Adları da bloqer, tik-tokerdir.
Taylandı, Filippini, Kolumbiyanı, Seneqalı, bir sözlə, dünyanın dörd bir yanını gəzib fahişə kirayələyən, öz eşqbazlığını lentə alan, bəzi epizodları “Yutub nümayişinə icazə vermir deyə kəsməli olduq” şərhi ilə nümayiş etdirən rus bloqerlər var. Özü də xeyli.
Ukraynalı bloqerlər də onlarla çəkişir. Türkiyəli gənc bloqerlər Avropada qızlara necə girişdiklərini, Braziliyada qızlarla necə çimişdiklərini, Asiyada necə lotuluqlar etdiklərini çəkib yayırlar.
Bunlar hələ nisbətən abırlılarıdır, bloqerliyin bahalı növüylə - turizm bloqerliyi ilə məşğuldurlar. Ölkə-ölkə gəzmək havayıdırmı?
Bir də hamamdan çıxandan sonra əyninə xalat və ya qısa bir şey geyərək kamera qarşısında poza verənlər, çimərlik paltarında yataqda uzanıb o tərəfə-bu tərəfə yumbalanan qadın bloqerlər var.
Onlar heç nə demirlər, eləcə öz “gözəllik”lərini dünya ictimaiyyətinə nümayiş etdirir, milyonlarla baxış sayı qazanırlar.
Bu, artıq rahat dolanışığın bir üsuluna çevrilib. Heç bir fiziki, intellektual iş görmürlər, kamera qarşısında soyunur, əcayib-əcayib rəqslər edir, dombalaq aşır, özü ağılda olanın biri ilə lifdə, mətbəxdə mazaqlaşır, bütün bunları çəkir.
İnternetə ötürür, gözlərini əllərindəki telefonun ekranına dikib gözləyən milyonlarla “mırtkeş”in (bu, yeni termindir) sayəsində 15 dəqiqəlik populyar olur və... pul qazanırlar.
Sovet dönəminin axır illərində rüşvətlə, möhtəkirliklə, xaltura ilə pul qazanmağın adını “zəhmətsiz gəlir” qoymuşdular, hazırda öz bambılılıqları ilə pul qazananlarınkı təkcə “zəhmətsiz gəlir” deyil, həm də və daha çox “ismətsiz gəlir”dir. Abır yox, həya yox.
Deyər, qohumlarım var, küçəyə, dükana, bazara çıxırlar, gədələr dallarınca “peysər” qışqırar, belə şeylər etməyim. Amma haradan? Pul qazanmaq, şöhrətli olmaq ehtirası ağıl-kamalı üstələyir.
Savadlı adamlar demişkən, kommunikasiya texnologiyalarının inkişafı ona gətirib çıxarıb ki, hər bir insan özünü dünyaya təqdim etmək imkanı qazanıb.
Əvvəllər yüngülbeyin səylərin, psixopatların, manyakların, pozğunların belə imkanı yox idi. İndi var və onlar bu imkandan yararlanırlar.
Nəticədə onların xüsusi çəkisinin nə ağırlıqda olduğu görünür. Dünya kəmağıl pozğunlarla, utanmaz sapıqlarla doluymuş.
Belə adamların ictimai-siyasi gündəmə çıxmasının, ümumxalq müzakirəsinin predmetinə çevrilməsinin günahı bizdədir.
Biz niyə axı 3 bambılının yalançı, düzməcə “sevgi üçbucağı”na aid videoları, xəbərləri yayırıq ki, onlar da həvəslənib yeni-yeni “üçbucaq”lar, “dördbucaq”lar, “pentaqon”lar əmələ gətirirlər.
Pentaqon demişkən, az qala üçüncü və sonuncu müharibə başlamaq üzrədir, biz üç yiyəsizin bir-birinə “xəyanət”ini müzakirə edirik. Əslində isə ortada bir razılaşma var:
“Bunu çəkək, yayaq, sonra sən elə de, mən belə, partladaq, milyonlarla baxış olacaq, tutuzduracağıq”. Məsələ budur.
10-15 il öncə manıslar, civivari müğənnilər, rəqqasələr belə şeylər edirdilər, telekanallardakı şou verilişlərində yalandan dalaşırdılar, “qalmaqal” yaradırdılar, sonra həftələrlə hamı onlardan danışırdı, camaat tərəfə çevrilir, tirələrə ayrılırdı: “A haqlıdr”, “yox, B haqlıdır”.
Əslində isə o Q-lərin heç biri haqlı deyildi, sadəcə, T-ni (tamaşaçı) axmaq yerinə qoyurdular.
Bir dəfə bir rəqqasə özünü gündəmə gətirmək üçün TV-də dedi ki, öz avtomobili ilə küçədə getdiyi yerdə manyak fanatı ona təcavüz edib. Booy! Bəs hadisə necə olub?
Heç nə. Rəqqasə maşınını işıqforda saxlayanda manyak arxa qapını açıb salona girib, sonra düşüb gedib. Hamının əli üzündə qaldı, dedilər, xanım yaxşı qurtarıb.
Ta deyən olmadı ki, onun sürdüyü maşın hərəkətə başlayan kimi qapılar kilidlənir, bayırdan açılmaz hala gəlir, ona görə də nəinki hansısa manyak, hətta öz tanışı da maşına soxula bilməzdi.
İndi bu yeni çıxan tik-tokerlər, bloqerlər o cür süni qalmaqal yaradanların, öz aşağı ətrafına böhtan atanların bazarını bağlayıb. Artıq ölkə “mırtkeş”ləri lift çəkilişlərinə maraq edir.
Bir müddətdən sonra ortaya daha abırsız, daha ismətsiz, daha əxlaqsız adamlar çıxacaq, daha böyük biabırçılıqlar edəcəklər, biz də onlardan danışacaq, yazacağıq.
Samir SARI
Xəbəri paylaş
Digər xəbərlər
30-03-2024, 23:55
XİN 31 Mart - Azərbaycanlıların Soyqırımı Günü ilə bağlı bəyanat yayıb
30-03-2024, 23:50
Ermənistanın “dost”ları kimlərdir? - VİDEO
30-03-2024, 23:45
“RUSİYADA VƏZİYYƏT DRAMATİK DƏRƏCƏDƏ AĞIRDIR...”- “Ölkəni Avropadan ayırmaq böyük fəlakətdir”/Müsahibə
30-03-2024, 21:10
Aİ Türkiyənin aviaşirkətinə onun ərazisi üzərindən uçmağı qadağan etdi
30-03-2024, 21:05
"Crocus City Hall"dakı terror aktında yaralı sayı 695-ə çatıb
30-03-2024, 20:30
Səlcuq sultanlarının DNT analizi üzrə heykəlləri hazırlandı - FOTO
30-03-2024, 20:07
Rusiya ilk dəfə bu bombadan istifadə edib - Böyük dağıdıcı gücə malikdir
30-03-2024, 20:00
“Türkiyə Ukraynaya silahlar verəcək”- ”Aydınlıq” nəşri
30-03-2024, 19:25
Erməni siyasətçi Tacikistan və Qırğızıstanı TƏHQİR ETDİ: “Bədbəxt ölkələrdir”- VİDEO
30-03-2024, 18:00
“Rusiya cəmiyyəti benzinsiz, dizelsiz yaşamağı öyrənməlidir - Bu, ədalətlidir”- Zelenski
30-03-2024, 17:45
“AVRO-2024”-ə DRONLARLA TERROR HÜCUMU OLA BİLƏR - “BİLD”
30-03-2024, 17:30
DİN vətəndaşlara müraciət etdi: "Saxta elektron sikkələr sataraq..."
30-03-2024, 17:25
Türkiyə ABŞ-dan F-16-ların tədarükünü azalda bilər
30-03-2024, 17:15
“ABŞ yardımının gecikməsi Ukraynaya baha başa gəlir”- Zelenski
30-03-2024, 17:00
Taciklər kütləvi şəkildə Rusiyanı tərk edir - “Vətəndaşlarımız panika, qorxu içindədir..."
30-03-2024, 16:45
“İRAN HÖKUMƏTİ ÖZ NÜVƏ POTENSİALINI ARTIRIR”- "Təftişə icazə vermirlər”- Rafael Qrossi
30-03-2024, 16:30
İrəvanın "şıltaqlığına" Kremlin səbrlə “dözməsi”nin səbəbi nədir?- Ekspert AÇIQLADI
30-03-2024, 16:15
İranda hicabı tənqid edən güneyli müəllimə həbs cəzası verildi
30-03-2024, 15:45
Əskipara kəndinə xüsusi polis qüvvələri göndərildi...- "İzah edirlər ki, bu, onlara kömək etmir, əksinə, zərər verir"
30-03-2024, 15:30
STALİNİN QIZINI SEVƏN KAPLER - Sovet lideri ona ingilis casusu damğası vurdu, amma...
30-03-2024, 15:25
İŞİD sözçüsü Rusiyadakı terrordan sonra müraciət yayıb - “Vilayəti-Xorasan”a təşəkkür
30-03-2024, 15:15
Rusiya-Gürcüstan sərhədində minlərlə maşın gözləyir
30-03-2024, 15:00
Jurnalistlər “Crocus”da terror aktının sponsorlarına məxsus kriptopulqabı tapıblar
30-03-2024, 14:45
“RUSİYA ORDUSU İRƏLİLƏYİR" - "Ukrayna müqavimət göstərə bilməyəcək”
30-03-2024, 14:15
Türkiyədə “sükut günü”dür - Xəbər, proqnoz və şərh vermək qadağandır
30-03-2024, 14:00
HƏYAT YOLDAŞI GENERALI MƏHKƏMƏYƏ VERDİ - FHN-də növbəti qalmaqal
30-03-2024, 13:55
İsrail Qəzzanı bombalayıb - Xeyli sayda insan həlak olub
30-03-2024, 13:50
Britaniya ordusunda 100 illik qadağa ləğv edildi: Saqqal saxlamaq olar
30-03-2024, 13:15
Ermənistanın Rusiyaya ixracı 3 dəfə artıb - İrəvanın Moskvaya dəstəyini Aİ də təqdir edir?
30-03-2024, 13:00
Fazil Mustafaya sui-qəsdlə bağlı növbəti məhkəmə - Şahidlər ifadə verdi
30-03-2024, 12:55
“ABŞ-ın dəstəyi olmasa, Ukrayna ordusu geri çəkiləcək”- Zelenski
30-03-2024, 12:40
DƏRMANLAR KƏSKİN BAHALAŞIB - Qiymətləri kimlər artırır? /VİDEO
29-03-2024, 23:00
Azərbaycanda narkotikə görə 7 il həbsə alınan 32 YAŞLI QADIN DANIŞDI: “Rəfiqələrimin günahıdır..."- VİDEO
29-03-2024, 22:50
“ABŞ-ın Ukraynaya ümumi yardımı 113 milyard dolları ötür”- “Fox News”
29-03-2024, 22:35
Yalnız “qadınlardan” ibarət olan “TROLL FABRİKİ”ni NAZİRLİKLƏ NƏ BAĞLAYIR?- FOTOFAKT
29-03-2024, 22:22
İran səfirinin Azərbaycanda diplomatik missiyası başa çatıb
29-03-2024, 22:00
"Rusiya Xarkova hücum edərsə, bu, onun üçün fəlakətə çevriləcək"- Sırski
29-03-2024, 21:55
"Qarabağ" sona 8 tur qalmış 11-ci çempionluğunu rəsmiləşdirib
30-03-2024
29-03-2024