Bunu cümə günü ABŞ-ın keçmiş prezidenti Donald Tramp Pensilvaniya ştatında çıxış edərkən deyib.

“Hər narkotik alverçisi həyatında ən azı 500 insanı öldürür. Ölüm cəzası tətbiq olunmayana qədər bu problem həll olunmayacaq. Siz sadəcə olaraq, özünüzü aldadırsınız”, - Tramp deyib.

“Biz get-gedə narkomaniya ölkəsinə çevrilirik. ABŞ-də narkotik istifadəsi görünməmiş səviyyəyə çatıb”, - deyə Tramp bildirib.

Tramp bir vaxtlar bu mövzuda Çin Prezidenti Si Szinpinlə söhbətini də xatırladıb. “Mən ondan soruşdum ki, Çində narkotiklərlə bağlı vəziyyət necədir? Orada hər hansı bir problem varmı? Si Szinpin dedi ki, artıq ölkədə belə bir problem yoxdur... 

Uzun illər əvvəl, Çində narkotik çox yayğın idi. Ancaq narkotik alverçiləri üçün ölüm cəzası tətbiq ediləndən sonra problem həllini tapdı”, - eks-prezident bildirib.