Bu barədə İdarə direktoru Bill Nelson onlayn konfransda bildirib.

“Təhlükəsizlik bizim əsas prioritetimizdir və biz Artemis komandalarına erkən inkişaf, əməliyyatlar və inteqrasiya ilə bağlı çətinlikləri aradan qaldırmaq üçün daha çox vaxt vermək istəyirik”, - Nelson deyib.

Beləliklə Artemis II-nin buraxılışı 2025-ci ilin sentyabrına, Artemis III isə 2026-cı ilin sentyabrına təyin edilib.

Qeyd edək ki, 2019-cu ilin yazında NASA üç mərhələdən ibarət olan Artemis Ay proqramı layihəsini açıqlayıb. Bunlardan birincisi (Artemis I) “Orion” kosmik gəmisinin Ay ətrafında pilotsuz uçuşunu və onun Yerə qayıtmasını nəzərdə tutub. 

İkinci mərhələ (Artemis II) göyərtəsində heyəti olan gəminin Yerin təbii peyki ətrafında uçuşudur. Missiyanın üçüncü mərhələsində (Artemis III) NASA astronavtları Aya endirməyi və onları təxminən 2030-cu illərin ortalarında Marsa göndərməyi planlayıb.