Bu barədə “The Wall Street Journal” Misir rəsmilərinə istinadən məlumat yayıb.

Bildirilib ki, yeni saziş bir neçə mərhələni əhatə edir:

“Birincisi, təcili tibbi yardıma ehtiyacı olan uşaq, qadın və qocaların azadlığa buraxılması üçün altı həftə ərzində döyüşlər dayandırılacaq. Bunun müqabilində İsrail xeyli sayda fələstinli məhbusu azad edəcək və Qəzzaya humanitar yardım axınını artıracaq”.

Rəsmilərin sözlərinə görə, HƏMAS bundan sonra İsrail qadın əsgərlərini, daha sonra isə kişi əsgərləri azad etməyə başlayacaq.

“Bunun müqabilində Fələstin hərəkatı ABŞ də daxil olmaqla beynəlxalq zəmanətlər alacaq ki, hərbi əməliyyatlarda fasilə zamanı müharibənin daimi sona çatmasına səbəb olacaq hərtərəfli razılaşma əldə olunacaq”, - nəşr yazır.