Bu barədə Türkiyə Statistika İdarəsi (TÜİK) məlumat yayıb.

Məlumata görə, Türkiyə əhalisi 31 dekabr 2023-cü il tarixi üçün əvvəlki illə müqayiədə 92 min 824 nəfər artaraq, 85 milyon 372 min 377 nəfərə çatıb.

Türkiyədə yaşayan kişi əhalinin sayı 42 milyon 734 min 71 nəfər, qadın əhalinin sayı isə 42 milyon 638 min 306 nəfər olub. Başqa sözlə, ümumi əhalinin 50,1 faizini kişilər, 49,9 faizini isə qadınlar təşkil edib.

Əhalinin illik artım tempi 2022-ci ildə mində 7,1 olduğu halda, 2023-cü ildə mində 1,1 olub. Digər tərəfdən, şəhər və kəndlərdə yaşayan əhalinin nisbəti 6,6 faizdən 7 faizə yüksəlib.

İstanbulun əhalisi əvvəlki ilə nisbətən 252 min 27 nəfər azalaraq 15 milyon 655 min 924 nəfər olub. Türkiyə əhalisinin 18,34 faizinin yaşadığı İstanbulu 5 milyon 803 min 482 nəfərlə Ankara, 4 milyon 479 min 525 nəfərlə İzmir izləyib.

Türkiyə daxilində əhalinin sıxlığı hər kvadrat kilometrə düşən adam sayına görə 111 nəfər olub.